NET का कुरा र सम्झना Wushu Game को !

ब्लग पोस्ट नगरेको या केहि नलेखेको भनौ अथवा नेटको दुनिया बाट टाढा रहेको धेरै भैसकेको रहेछ । यो पोस्ट मेरो ब्लगमा नेपाल बाट पोस्ट गरेको पहिलो पोस्ट हो । यस  भन्दा अघि नेपालबाट ब्लगमा केहि कुरा टाँस्ने जमर्को नै जुरेको थिएन - प्रयास भने नगरेको होइन । नेट नभए पछी कम्प्युटर खोल्न मन पनि नलाग्ने रहेछ अनि केहि कुरा लेख्ने त परैको कुरा हुन् थालेको छ किन भने पहिलाको जस्तो अब कापीको पन्नामा लेख्ने आदतनै हराएछ -अच्चमको कुरा छ’बा !! 

मेरो घर कोहबरा (महादेवस्थान) हो ! कोहबरा गाविस झापा जिल्लामै भए पनि हाम्रो गाविस नेटको पहुच देखि अझै निकै टाढै रहेको छ ! NTC को Dial Up -कनेक्शन छैन, त्यो नभए पछी ADLS हुने कुरै भएन, Broadband, Wlink जस्ताले देशमा इन्टरनेटको राम्रो सुविधा दिने एड मात्र गर्न सकेका छन - वितरण होइन । अनि Sky र UTL का टावर र कनेक्शन भनेको हातिको देखाउने दात जस्ता मात्र छन् । ल्याबटबमा Usb (with data SIM) लएर यता र उता कुदीरहनु पर्छ । कहिले, कति खेर, कहाँ नेर देखा पर्छ पर्छ -भूमिगत भएको नेताहरु जस्तो :) । स्लोको कुरा गर्ने हो भन्ने एउटा पेज खुल्न एक कप चिया पिसक्दा ठिक्क हुन्छ । बरु मोबाइलमा भने काम चलाउ रुपमा नेट चलाउन सकिने रहेछ । गाउघरमा त Facebook भन्दा त Mig नै बढी चलाइदो रहेछ ।

अन्य कुराहरु केहि नलेखेको हुनाले आजको यो पोस्टमा आफ्नै रहरको कुरा टास्ने प्रयत्न गर्दै छु - जुन रहरमै मात्र सिमित भएर रह्यो । स्टिक, नाइन'चा चलाउन साथै जम्पिङ्ग गर्ने जस्ता रहरै रहरमा 2003/4  AD तिर करिब दुइ बर्ष जति Wushu Game खेलेको थिए । त्यति बेला संगै उक्त ग्याम खेलेका सबै साथीहरु अहिले काहाँ काहाँ पुग्नु भएको छ, भेटघाट नभएको धेरै भइ सकेको छ ।  सोहि समय र मित्रहरुको सम्झनाको लागि यो पोस्ट यहाँ राख्दै छु ।

     (प्रशिक्षणको समयमा साथीहरु संग : सरस्वती उमाबि (इँटाभट्ट –दमक ) को प्रांगणमा ।)

     

मेची रंगशालामा : पहिलो पुर्बाञ्चलको क्षेत्रीय स्तरीय Wushu Game Show & Grading प्रोग्राममा सहभागी हुदै ! साथमा गुरु : रविन श्रेष्ठ र भगवान राइ  ।

अझै पनि इँटाभट्ट स्कुल (दमकमा )मा गुरु भगवान राइले Wushu सिकाउदै हुनु हुन्छ भन्ने थाहा पाएको छु - खुसि लागेको छ ! उहाको खेल प्रतिको उत्साह र लगन लाइ सदा सलाम छ !

गुरु : भगवान राइ र रविन श्रेष्ठ @ मेची रंगशाला (झापा -भद्रपुर)