'Vilaaggio' को यात्रा

केही समय यता - फुर्सद र छुट्टिका दिनहरु 'धुमधामको घूमघाम' भएर नै वितिरहेका छन । कहिले कुनै साथी घर (नेपाल) फिर्ने र अन्तिम केही साथिहरुको समझना खिचेर तस्वीर नै भए पनी लगौ न त ! भन्दै वा नयाँ आएका साथिहरुसँग पहिलो पल्ट डुल्ने बाहानामा । साथै मित्रहरु भेट्ने निहुमा त कहिले नयाँ बर्ष को अवासरको मौकामा धेरै नै घुमियो - सबै त ब्लगमा काहा राख्न सकिन्छ र ! तर ति मध्येका केही यसरी नै ब्लग मित्रहरु सँग शेयर गरिरहेको छू - कतारका केही रमाइला र भिजिटयोग्य ठाउहरुको दिर्श्यावलोकनहरू ।

यो देखिएको 'खलीफा स्टेडियम' को टावोर हो - जून कतारको एक पहिचान बनी रहेको छ । जहा २००६ को एसिएन ग्यामको ओपनिङ्ग र समापन भएको थियो ।

आज, हाम्रो बिशेष भ्रमणको डेस्टिनेसन चाहि खालिफा नेरको 'Villaggio' रहेको थियो -

देव ताजपुरिया (लखनपुर -झापा), म , सचिन धमला ( लखनपुर -झापा) र कलाधर दाइ (पर्वत) - Villaggio को भित्री भागमा ।

तल तस्विरमा हेर्नुस - Villaggio भित्रका बनावटी आकाश र अर्को पिक्चरमा बादल र ताराहरू चमकी रहेको - साचै जस्तो देखिन्छ । अनि त्यस ठाउॅ भित्र बोल्दा निकै इको साउण्ड आउदो रहेछ ।

आज अधिकांश जना - झापाली नै थियौ । तल पिक्चरमा पनी हामी सबै झापाली + एउटै गाविश का परिम ।

केशब दाइको पोज लिदै -ओम बोगटी ।

यसरी नै हामी डुल्दै रमाउदै हिडेका थियौ - सिक्यूरिटीहरुले Villaggio भित्र फोटोहरु र भिडियो लीन दिएका थिएनन तर हामीले लुकाएर भए पनी यसरी फोटो र भिडियो लिएर नै छाडिम नत्र त डुल्नुको मज्जा नै आउदैन थियो नि?

त्यहा बाट हामी सिधै 'जू' गएका थियौ तर आज शुक्रबार भएको ले फ़्यामिलीको लागी मात्र भित्र छिर्ने अनुमति रहेछ । त्यसैले जू हेर्ने मौका नै पाएनौ - कुनै दिन जू अबलोकन गर्ने मौका मिल्यो भने - ब्लगमा टासेर देखाई हाल्ने छू नि ? तपाईहरुलाई - की कसो ! हुन र ?

तपाईको पनी पिक्चर लिऊ की?