बिक्रीको ~ भगवान …!!! [ कविता ]

 

म बुझ्दिन 

बजार बाट किनेर ल्याएको 

मुर्तिको अघि 

हामी हात जोडेर 

धन सम्पति र सुख, शान्ति माग्छौ !

यदी 

मुर्तिहरुले 

धन सम्पति र सुख, शान्ति दिने भए  

हामीलाई 

पसलेले किन पो बेच्थे होला ~ मुर्ति ??

अनि 

लाग्थ्यो 

पसले मुर्ति बेचे पछी 

हामी सँग किन माग्छ पैसा 

मुर्ति सँगै मागे हुने नि ….!!!

अनि फेरी लाग्यो 

पसलेले मुर्ति बाट 

धन सम्पति र सुख, शान्ति 

नमिले पछी हो 

हामीलाई उसले 

बेचेको त्यो मुर्ति 

मुर्ति बेचे पछी 

अरु नमिले पनि 

कमसेकम 

उसलाई धन त मिल्छ !

अचम्म के 

बेच्दा बिक्री हुने भगवान 

र 

किन्दा किनिने भगवान 

हुन्छन भन्ने ठानेर नै त हो नि 

हामीले मुर्ति बेच्ने र किन्ने ?? हैन र ??

ठ्याक्कै हाम्रै देशको नेता र सरकारी कर्मचारी जस्तै !!

भन्ने सोचेर 

सानामा 

मेरो अबोध दिमाग हल्लिन्थ्यो 

जुन अहिले सम्म'नी हल्लिरहेछ ...??

अचेल 

कतै पसलेले मुर्ति बेचे झैँ 

हाम्रा नेता र अभियन्ता 

INGO र NGO ले  

आश्वासन र भरोषा मात्रै 

बेचिरहेका त छैनन् ~ हाम्रो देशमा …???

[ कसैको आस्थामा प्रहार गरेको हैन, यसको अन्यथा अर्थ लागेमा माफ पाम् ! कहिले काही आफैमा यस्ता प्रश्नहरु पनि तेर्सिने'थे र अझै पनि तेर्सि रहेको छ र कोरेको हु  ]