तेश्रो बर्ष तिर लम्कदा

समय वितेको पतै नहुने , आज भनो भोलि भनो - अनबरत रुपमा बहिरहेछ ! घर छाडेको नी निकै भएछ , देश संकट ग्रस्त भएको नी धेरै भएछ , मुलुकमा शान्ति आउछ अनि घर फर्केर केहि दिगो हुने उधम गरौला भन्ने आशा गरेको’नी निकै भएछ ! हिजो हो जस्तो लाग्छ नाङ्गो खुट्टा लिएर / सिगाने भएर धुलोमा खेलेको अनि झुम्रे बल लाइ लातले हानेको ! अनि अहिले ति सब - हेर्दा हेर्दै / समझदा सम्झदै एउटा अतित भएर बसेछ , एका देशको कथा भएछ !


ठ्याकै आज भन्दा दुइ बर्ष अघि जानी नजानी रहरै रहरमा मैले ब्लगको शुरुवात गरेको थिए - त्यो पनि हिजै हो जस्तो लाग्छ ! मैले ब्लग खोल्न नसक्दा कैलाश जी ले यसो गर्नु उसो गर्नु भन्नु भएको नी हिजो जस्तो लाग्छ ! मलाइ थाहा थिएन यो एउटा वेबको नमुना हो भनेर त्यसैले मैले पहिलो पटक मेरो आफ्नै फोटोहरु उपलोड गरेको थिए ! ब्लगको टाइटल लेख्ने ठाउमा , “स्वागत छ तपाइँ लाइ मेरो ब्लगमा" भन्ने लेखेको थिए तर मलाइ यो नै ब्लगको टाइटल हो भन्ने पनि थाहा थिएन जुन ब्लगको न्वारन थलो हो भनेर ! निकै पछी थाहा भो र यसलाई परिवर्तन गर्ने कोसिस तिर लागे तर नाम जुराउन नै सकिन केहि समय अघि “बेदनाथ ब्लग" पनि राखी हेरे तर अलिक निको लागेन किन किन !  यसो सोचो उसो सोचो कुनै चित नबुझ्ने - उस्तै हुने ब्लग टेम्प्लेटको विषयमा पनि ! मेरो ब्लगमा एसो हेरे – उपडेट गरेका कुराहरु ! सबै आफ्नै सोचाई , विचार र रहरको कुराहरु गन्थन रहेको छ ! अनि आफैलाई शेयर गर्ने सजिलो र भरपर्दो माध्याम भएको ले - यो साइनोको नाम दिए - “आफ्नै कुरा” भनेर !
अब सामान्यतया यो टाइटल र ब्लग टेम्प्लेट अनि ग्याजेटहरु  परिवर्तन नगर्ने मनसाय लिएको छु , हुन् त पूर्ण रुपले चित बुझेर यस्तो कुरा गरेको होइन किन कि यो डिजाइनले नी निकै समय खादो रहेछ ! हुन् त प्रविधिसंग सके सम्म त परिवर्तन हुने चेष्टा त गर्ने नै छु ! अब यो ब्लगमा के के गर्नु पर्ला जस्तो लाग्छ अनि के के भएन जस्तो लाग्छ भनिदिने जिम्मा हजुरहरु लाइ नै थाती राखे है !
मरो ब्लगमा पहिलो कमेन्टको रुपमा बसन्त दाइले  एउटा पोस्टमा “ Nice blog Bednathjee!“ भनेर प्रतिक्रिया जनाउनु भएको थियो तर मेरो उहा संग त्यस अघि चिनजान नै थिएन ! कसरि भेट्नु भो लिंक थाहा भएन ! अनि मलाइ यसरि फुर्काउने को हुनु हुदो रहेछ भनि लिंक पछ्याएको त … उहा को ब्लग त कति परिपक्व र बरिलै जस्तो पो रहेछ, गाठे ! 
यसरि नै साइनो बढ्दै गयो एक /दुइ हुदै …. आज धेरै को जमात हुन् पुगेको छ ! अब त रेगुलर रुपमा सबैका घर पसेर प्रतिक्रिया दिन नी हम्मे हम्मे पर्न थालेको छ ! तर यो ब्लगको दुनियामा नेपालीहरु पनि द्रुत गतिमा उर्भर भएको देख्दा -राम्रो प्रगती भए जस्तो लाग्छ ! पहिले नेपाली  ब्लग र ब्लगर सिमित थिए आज त्यो रहेन ! अनि आफ्नो विचार , भावना र समाचारको लागि टिभी ,रेडियो र प्रत्रिकामा मात्र सिमित रहनु परेन - त्यो प्रथाको अन्त्य गराइदियो यो ब्लगको विकाशले ! हो त्यहि दुनिया र प्रविधि संगै रमाउदै आज म पनि यहाँ सम्म आइ पुगेको छु मेरो '”आफ्नै कुरा” लिएर ! तपाईहरुकै न्यानो साथमा ! खुसि लाग्छ ! मित्रहरुले देखाउनु भएको म प्रतिको सदभाव, माया प्रति, म सदा उहाहरुको ऋणी रहने'छु ! अनि आउदा दिनहरुमा पनि यसै गरि … थप टेवा पुर्याइदिनु हुने'छ भन्ने आशा राखेको छु !

मेरो ब्लग लेखनलाइ भिजिट गरेर सल्लाह , सुझाब र फलो अफ गरेर हौसला प्रदान गर्नु हुने  फेस बुक र ब्लग मित्रहरु लगाएत सबैलाई हार्दिक कृतज्ञता जाहेर गर्दछु ! यो नाता / यो साइनो सधै प्रगाढ भै रहोस ! धन्यबाद !!

 
मित्रहरुको नाम छुट्ने डरले यसरि फोटो नै Snipping गरेर राखेको छु है ! अझै कोहि कतै छुट्न गएमा क्षमा चाहन्छु ! (फेस बुक बाट फलो गर्नु हुने ८६७ र ब्लगबाट ८२ )

  Happy Blogging !      Happy Blogging !!    Happy Blogging !!!  ….