हिजो अस्ति हो
एक हुल ताराहरु
मेरै घरकै धुरी नेर - साउती मार्न आएका !
तारा बन्ने रहर थियो -सानामा
मेरो बाजे जस्तै !
अनि कति साना -म जस्तै फुचाफुच्ची
* * *
आज मेरो आगनमै -नजिकै
म संग खेल्न र गफिन -आइरहे'छ
मेरो साथि हुन् र बोल्ला झैँ गरेर -जुन !
तर
बोल्दैन, मौन रहन्छ
-अनि
म मात्र गफ सुनाइ रहन्छु !
अनि लाग्छ -
साथि होस मेरै जुन जस्तो
अँधेरी लाइ छिचोल्दै
म संग गफिन आउने
मेरा सप्पै कुरा सुनेर बस्ने !
* * *
किन कति खुसि हुन्छु
जब म आमा संग रिसाएर
काले संग कुस्ती खेलेर
भुन्टी संग जिस्किएर
आउछु जब -साझपाख
अनि भन्छु
सबै उकुसमुकुस र मनका कुरा
एकै पटक -जुन लाइ !
* * *
लाग्छ मेरो कुरा सुनेर
उ खुसि भए'छ
त्यसैले चम्किलो भएर चम्कि रहेछ
धेरै ताराहरु भन्दा पनि चम्किलो भएर
- आफु एक्लै हुदा पनि !
* * *
मैले थाहा पाएको कुरा
जानेको कुरा
मैले सुनाउने भनेकै
मेरो कुरा सुन्ने भनेकै
पहिलो - जुन हो !
* * *
जब साझ पर्छ
जब उज्यालो प्रकास हराउछ
तब खुसि हुदै उ -म संग
मेरो गफ सुन्न आउछ
अनि
रात रहुन जेल सम्म
मेरै चौकोसामा म संगै रहन्छ
अनि मिर्मिरेमै विदा भएर जान्छ
पुन: साझ पर्दै आउछु भनेर
- मेरो साथि म संग
* * *
No comments:
Post a Comment