हरेक दिन मातेर
आउने सर लाइ
सानामा स्कुलमा
भेट्दा
[ हेपेरै भनिन्थ्यो ]
‘हेर सर - नोमोओस्ते’
तर पनि
बुढा फुरुङ्ग हुन्थे
सायद
बुढा सोच्थे होला
म जस्तो नर्मल सर लाइ पनि
Head Sir भन्यो भनेर !
झट पट्ट
फुर्किदै अर्ति दि हाल्थे
हेर केटा
ठुलो भए पछी
पढेर
दस ग्लास (Class) सक्नु पर्छ नि
पछी बुझ्दा :
[बुढा ८ क्लास मात्रै पास रहेछन
र पो त्यसो भन्दा रहेछन – प्राय: !]
तर म भने
जाडको ग्लास होला भनेर
उति खेरै, हतपत्त उठेर भन्दिन्थे :-
सर म अहिले नै 3 ग्लास सक्छ
पछी ठुलो भएर
१० ग्लास त पक्कै सक्छ ! सक्छ !!
.......
कारको डाइभरको
अघिल्लो पटि हुने
स्प्रिङ्ग झैँ हल्लिदै
बुढाले बुढो औलो
म तिर देखाउदै
तँ
दिस प्लेन (discipline) मा बस्ने गर
छिट्टै ठुलो मान्छे बन्छस भन्थे
तर म भन्ने
त्यो दिन देखि दिस प्लेन [ this plane ]
खोजि रहे,
जसमा बसेर
ठुलो मान्छे बन्न सकौ
र
ठुलो मान्छे बनौ भनेर |
तपाइले कतै भेट्नु भयो भने
दिस प्लेनको बारेमा
मलाई नि भन्नुस है :) :)
यसरी ति सर लाइ
सधैँ जिस्काएर हैरान बनाउने
मैले - दिस हो कि होइन - थाहा भएन
तर प्लेनमा चाही
पासपोर्टमा भिजा लागे पछी मात्रै
बसेर गल्फ पुग्न पाए !
ठुलो मान्छे त कुन्नि
धुलो मान्छे चाही पक्कै बनाएको थियो
मरभुमिको धुलो र तातो हुरीले !
पछी थाहा भयो
ति सरको कुरा
मान्छे पी-कट भए'नि
एक्पिरिएन्स बोल्दो रहेछ
साथै
ति सरले नै भन्नु भएको
कुराको याद पनि आयो
'कसैको समय, पैसा, र कसैको मजाक
सोच बिचार गरेर मात्रै उडाउनु पर्छ !'
No comments:
Post a Comment