जन आवाज

By
परिवर्तन
सामाजिक संरचना
सास्कृतिक संकारहरु
अनि यो - समाजका
मानिशहरुको
अरु प्रति हेर्ने
दृष्टिकोणहरुमा -खाचो छ ।
नितिहरुमा सुधार हैन
व्याहबारिक सुधार
चाहिएको छ ।

नेतृत्व पक्षाले- हामीलाई
के माग गर्छौ भनी सोधे
हामी माग गर्ने छैनौ
बरु दिन्छौ उनीहरुलाई नै
अनुतरित प्रश्नै प्रश्न
र भन्ने'छौ उल्टै
के ? हाम्रा प्रश्नहरुको भार
थाम्न सक्छौ भनी !!!
तिम्रो धुर्तताले ,
तिम्रो स्वार्थाताले
मर्लान गरीब ,
पिल्सिलान पीड़ित
बल्झेला पीडा
पलाएन होलान
सिर्जना गर्ने - सर्जक !
उमंङ्ग र जोसहरु !!
तर कहिले पनी
बिलय हुने छैन , मर्ने छैन
गरीब , दू:खी
सर्बहाराहरुको सपना ,
रहर र भावनाहरु ।
आज सोध्दै'छ
देशका फुटपातले
ति गल्ली र सड्गका -दृश्यहरुले,
अनि ति खाली खुट्टाहरूले
नांङ्गो आंङ्ग र खाली पेटहरुले !!
हाम्रो किन -दशैं , नया बर्ष
भएर कुनै बिहान आउदैन
किन हाम्रै मात्र
हरेक रातको निन्द्रा हरण गर्छ
त्यो पनी
उडुस र मछेटहरुले ?
एउटा कुरा -
आफु अनुकूलको
आफ्नो विचार ल्याएर
'यो जनताको चाहना हो' भनी
जनतालाई वलिको बोको
बनाउने नगर !!!

14 comments:

  1. BasantaApril 7, 2009 at 6:57 AM

    सही विचार राख्नुभयो बेदनाथजी!

    बरु यसलाई कविता भन्दा निबन्धको रुप दिए राम्रो हुन्थ्यो होला। एउटा सल्लाह मात्रै।

    ReplyDelete
  2. UnknownApril 7, 2009 at 9:33 AM

    जनतालाई वलिको बोको
    बनाउने नगर !!!

    Sahi kuraa bedanaath jee, malaaii laagchha tapaiko yo jhaTaarole absya tyastaa bhaateharulaaii lagne cha.

    Keep it up.

    ReplyDelete
  3. मिलनApril 7, 2009 at 10:12 AM

    कबिताले बास्तबिकता बोकेको छ

    ReplyDelete
  4. Jotare DhaibaApril 7, 2009 at 11:01 AM

    "के माग गर्छौ भनी सोधे
    हामी माग गर्ने छैनौँ
    बरु दिन्छौ उनीहरूलाई नै
    अनुत्तरित प्रश्‍नैप्रश्‍न..."

    अहिलेको चौतर्फी आवाजलाई सही पूकार दिएका छन् पङ्क्तिहरूले । भावको सघनता जुरुकजुरुक बनाउने खालको छ ।
    कविताका लागि हरफहरूमा भने खाक्सी घोट्नैपर्ने देखिन्छ ।
    (मेरो ब्लगको ठेगाना परिवर्तन भई www.clickdhaiba.blogspot.com भएको छ । अत: आगामी भ्रमणमा उक्त लिङ्क हुँदै छिर्नुहोला । धन्यवाद !)

    ReplyDelete
  5. डीआर न्यौपाने'सूर्य'April 7, 2009 at 4:27 PM

    राष्ट्रप्रेम अनि राष्टृयताप्रतिको मिठो सन्देशमुलक अनि देश हाक्नेहरुका लागि चुनौतिको मर्मस्पर्सि भावना । साच्चै सबै पक्षलाई समेटेर तयार पार्नुभएको यो जनआवाज बर्तमानको खाँचो अनि भबिष्यको समुन्नत नेपाल हो ।

    ReplyDelete
  6. PrabeshApril 7, 2009 at 10:32 PM

    एकदमै सहि अनि चित्तबुझ्दो कुरा !!!

    ReplyDelete
  7. UnknownApril 7, 2009 at 11:11 PM

    दुरुस्तै अहिलेको समय नै छ कवितामा ; अभिब्यक्त भावना पनि अनि प्रस्तुत स्वरुप पनि ।

    ReplyDelete
  8. UnknownApril 8, 2009 at 3:13 PM

    मलाई त एकदमै राम्रो लाग्यो ।
    धेरै राम्रो !!

    ReplyDelete
  9. Dilip AcharyaApril 8, 2009 at 9:42 PM

    कविता पुरै जोशीलो लाग्यो । त्यसमा पनि अन्तिम तीन लाईनमा त "आगो" नै भएको महशुस भयो मलाई:
    'यो जनताको चाहना हो' भनी
    जनतालाई वलिको बोको
    बनाउने नगर !!!

    ReplyDelete
  10. प्रबिण थापाApril 9, 2009 at 10:55 PM

    भोको पेटमा भात टन्न भर्ने,नाङ्गो शरीरले एक ध्वजो टालो पाउने , सुरक्षाको अनुभुती गर्दै खरका छानामुनी आनन्दले एक प्रहार निदाउने हाम्रो सपनाले खै कहिले मुर्त रुप लिने हो बेदनाथ जि। कबिता सही छ,राष्ट्रियता बोलेको छ र ति मुठिभरका फटाहाहरुप्रती गहिरो व्यङय गरेको छ।

    ReplyDelete
  11. Yumesh PulamiApril 12, 2009 at 2:35 AM

    आफ्नो धारणा राख्नु हुने - Basanta Gautam ,B.J. Dummali ,मिलन ,Jotare Dhaiba,सिकारु ,Prabesh Poudel "उजेली" , दीपक जडित ,Sujan ,Dilip Acharya र प्रबिण जी सबै लाइ मुरी मुरी धन्यबाद !

    ReplyDelete
  12. SandipApril 13, 2009 at 8:32 AM

    येसरी नै जन आवाज़ सुनाउदै अगाडिका दिन र पछाडिका इतिहास सम्झाउदै सुभकामना छ तपाईलाई मेरो २०६६ सालको तपाईका हरेक पाईलामा सफलता मिलोस |

    ReplyDelete
  13. एकल यात्रीApril 14, 2009 at 7:37 PM

    पूर्वको मधूरो
    घाम नयाँ होस् ।
    बदलियोस् नारा
    काम नयाँ होस् ।
    फेरियोस् युग
    नयाँ होस् जमाना ।
    नव वर्ष २०६६ को हार्दिक शुभकामना

    ReplyDelete
  14. दूर्जेय चेतनाApril 18, 2009 at 7:22 PM

    खुब राम्रो तरिकाले लेख्नु भयो। यथार्थ मात्र यथार्थ

    ReplyDelete