विश्वास जिन्दगी [ कविता ]

प्रेम र मायामा ~ मान्छे
हजार पटक भाचिएर
सयौ पटक टुक्रिएर
पटक पटक धोका पाएर
केही  थान विश्ववास गुमाए पनि
आखिर मान्छे
मायाकै विश्वास गर्छ
मान्छेकै भरोषा गर्छ
अलगै भए नि ।

नत्र त
जिउदै दिवंगत भेैसकेको हुन्छ मान्छे ~ यो प्रेममा ।


यो माया
यो प्रेम
यो राजनीति
यो भुगोल
यो परिवेश
यो सबको बारेमा
यो बुझाइ छ कि
~यिनको भर हुन्न
तर
मान्छेको जिन्दगी
पुर्ण यसैको भरमा परेर
पुर्ण विश्वासमा रहेर
चलाउनु पर्ने हुन्छ ।।
त्यसैले
विश्वास माया हो
विश्वास प्रेम हो
विश्वास राजनीति हो
विश्वास धर्म हो
विश्वास जिन्दगी हो ।।