हाम्रो लाजनीति [कविता]

देशमा
कुनै पनि किसिमको
स्वतन्त्रता थिएन
तर पनि
हामीले
राणाहरुको
राजाहरुको
मण्डलेहरुको
हुकुमी शासन बिरुद्ध
बोल्न कहिल्यै
डराएनौ
बिरोध, बन्द, हड्ताल र आन्दोलन गर्यौ
आवाज उठायौं ।
अन्धभक्त तोड्यौ

तब
देशमा
प्रजातन्त्र आयो ।
गणतन्त्र आयो ।

तर
हामी
हुकुमी शासन लाई
चाप्लुसी गर्दै
सलामी दिने जनता भयौ ।
हामी देशका जनता भन्दा पनि
पाटी, धर्म र जातिय
सम्प्रदाय र गुटमा विभक्त भयौ
अनि
अहिले हामी
आफ्नै पाटीको
आफ्नै धर्मको
आफ्नै जातिको
नेताको, संस्कारको
नराम्रो पक्षको, नीतिको
बिरोध त के
प्रतिवाद पनि गर्न नसक्ने
सर्वभौम गुमाएको
चाप्लुसी गर्ने
नजानिदो डरले थिचिएको
कार्यकर्ता  भयौं ।
भन :-
"तिमी यसमा
आफुलाइ लाज मान्छौ कि
गौरवशाली ठान्छौ ..??"
यो मनले सधैं
यसरी नै सोधीरहन्छ
म आफैलाई ।।
Happy #WorldPoetryDay  #March21

विश्व कविता दिवसको सबै कवि मनहरुमा शुभकामना